INYUNYANA yamaphoyisa namajele iPolice and Prisons Civil Rights Union (POPCRU) isiphakamise ukuthi kuthuthukiswe izinyathelo zokuphepha konogada bamajele kulandela isigameko esibikiwe sokuhlaselwa kwephoyisa eliseNcome Correctional Centre eVryheid, KwaZulu-Natal. Lesi sigameko siveze ukukhathazeka ngokuphepha kwabasebenzi ngesikhathi sejele.
Lesi sigameko kuthiwa senzeke ngesikhathi kunomcimbi wezemidlalo kulesi sikhungo ngonyaka odlule. Iphoyisa uGugu Mbatha kubikwa ukuthi wshawa yisiboshwa saze samkhipha izinyo. Kumanje isiboshwa esithintekayo sidonsa isigwebo ngecala lokudlwengula. Lesi siboshwa sivele eNkantolo yeMantshi yendawo ngoMsombuluko mayelana necala lokushaya.
Okhulumela i-POPCRU, uNthabeleng Molefe, uzwakalise ukukhathazeka okukhulu ngokuphepha kwabaqaphi waphinde wagqamisa ukubaluleka kokuqashwa kwabasebenzi abenele kanye nokugadwa ngesikhathi seziboshwa. UMolefe uveze ukuthi ukushoda kwabasebenzi abenele uma kunemicimbi kungaholela ezimeni eziyingozi kubasebenzi neziboshwa.
Inyunyana inxusa uMnyango wezokuHlunyeleliswa kweziMilo ukuthi ubeke eqhulwini ukuphepha kwabaqaphi futhi uqinisekise ukuthi kunezinyathelo ezifanele zokuvikela izigameko ezifana nalezi esikhathini esizayo. I-POPCRU iphinde yagcizelela ukubaluleka kokubhekana nezinkinga zokuphepha ngokushesha kunokulinda ukuthi kwenzeke izigameko.
UMnyango Wezinkonzo Zokuhlunyeleliswa Kwezimilo awukaphenduli ezikhaleni ze-POPCRU zokuthuthukisa izimiso zokuphepha kulesi sikhungo.