Category: EzasoThukela

Inkosi yakwaKhumalo uNhloso Khumalo waseMnambithi ibe yingxenye yamakhosi angama-47 athweswe iziqu e-Inkosi Albert Luthuli International Convention Centre (ICC) eThekwini izolo. Lamakhosi aphothule uhlelo lokuqeqeshwa ekuholeni nasekubuseni izizwe zawo, oluqhutshwe yiNyuvesi yaKwaZulu-Natal (UKZN). Lolu hlelo beluhlelwe ngokubambisana noMnyango Wezokubusa Ngokubambisana Nezindaba ZoMdabu KwaZulu-Natal. Inhloso yalolu qeqesho wukuqinisa amakhono obuholi, ukuphatha kahle imiphakathi nokugqugquzela ukubusa okusobala nokusebenzayo…

I-ANC yaseJosiah GumedeRigion OThukela iveze intukuthelo enkulu ngokuhluleka kobuholi bukaMaspala Uthukela ukuvimbela ukuvalwa kwama-akhawunti kaMasipala. Esitatimendeni esikhishwe yilenhlangano ngomhla ka 17 February, ithi lesi simo sibambe umphakathi wasoThukela ngobhongwane, njengoba ungasakwazi ukukhokhela amakhemikhali okuhlanza amanzi, ugesi, kanye nokulungisa ingqalasizinda yamanzi. Lokhu kulandela ukuhluleka ukuhlonipha uhlelo lokukhokha olwagunyazwa yinkantolo maqondana neRASP Consultants CC, okuholele ekutheni uSheriff…

Ungenele osukwini lwesibili umbhikisho womphakathi waseMoba, njengoba izakhamuzi ziqhubekile nokuvala umgwaqo ngenxa yokunqamuka kukagesi namanzi endaweni yabo. Umphakathi uqale ukuvala umgwaqo izolo ekuseni, uthi sekuphele cishe isonto ungekho ugesi. Izolo uKhansela wendawo, uXolani Kubheka, ubathembise ukuthi inkinga izoxazululwa namuhla. Nokho, namhlanje izakhamuzi ziphinde zavuka zavala umgwaqo, zithi azisafunezethembiso ezingafezeki. Manje umphakathi uthi ufuna uMasipala uThukela…

Isikhulu sikamaspala i-Alfred Duma Local Municipality (Igama laso esiligodlile) lizinikele esiteshini samaphoyisa namuhla ekuseni ngezinsolo zokunukubeza owesifazane obengaphansi kohlelo lokuqeqesha abafundi kuwo loMaspala. Ngokwemibiko, lona wesifazane uvulele lomlisa icala emva kokuthi lona wesilisa wambhudubeza wamnukubeza ngesikhathi ezomlanda endlini beya emsebenzini ngonyaka ka-2024. Lesi sikhulu kuthiwa sizovela enkantolo ngoMsombuluko Mhla-ka 23 kuNhlolanja.

Umphakathi waseMoba uvuke wavala umgwaqo namuhla ekuseni, ukhala ngenkinga kagesi osekunesikhathi uhambile kulwndawo. Izakhamuzi zithi sebekhathele izethembiso ezingagcwaliseki, kanti ukudla sekuyabola ezindlini ngenxa yokungabikho kukagesi. Baveze ukuthi akukho zimpawu ezikhombisa ukuthi ugesi uzobuya maduze, nokubashiya bedidekile futhi bekhathazekile. Ngesikhathi uKhansela wakulendawo uZolani Kubheka efika endaweni yesiteleka, umphakathi umtshele ukuthi u-Eskom uyabaziba, yingakho benqume ukuvala umgwaqo…

Amaphoyisa aseKuvukeni kanye noPhiko lweYouth Crime Prevention eSifundeni soThukela aqhube umkhankaso wokuqwashisa abafundi ngodlame ezikoleni. Lo mkhankaso wenziwe eSicelukukhanya High School kulandela ukwanda kwezigameko zobubhoklolo nokuhlukumezana phakathi kwabafundi. Amaphoyisa akhulume ngokubaluleka kokuziphatha kahle, ukuhloniphana nokugwema izenzo ezingaholela ebudloveni noma emacaleni obugebengu. Aphinde axwayisa ngemiphumela yomthetho engabhekana nalabo abatholakala benza udlame. Inhloso yalolu hlelo ukwakha ubudlelwano…

Bekukuhle kudelile izolo emcimbini wokubungaza imiphumela kamatikuletsheni wesikole iSteadville Secondary obuseDongala Botique eMnambithi izolo. Lesikole sithole u100% futhi nyakenye nokuzinkomba zomgqigqo waso wokwenza kahle kumatikuletsheni. Lomcimbi ubuhanjelwe ngubuholi bezemfundo esifundeni UThukela,abaholi besikole,oThisha kanye nosomabhizinisi baseMnambithi. Osomabhizinisi babe sebethatha ithoba babongela lesikole ngokufaka iminikelo ezolekelela lesikole ukuze sigcine sikulelizinga elikuso.

Ulusizi umndeni kaNkosikazi Zenzomuhle kaMazibuko Khumalo waseMakekeni e-Estcourt ngemuva kokutholakala eshonile izolo ekuseni. UkaMazibuko wahamba ekhaya ngoMsombuluko ekuseni, ziyisi-9 kuNhlolanja, ngezithuba zehora lesi-9 wathi uya edolobheni eMtshezi eyokhipha imali. Akabange esabuyela ekhaya, nomakhalekhukhwini wakhe wagcina engasatholakali, okwadala ukukhathazeka okukhulu emndenini wakhe. Ngemva kwemizamo yokumthola, ukuthungathwa kwakhe kuphethe ngokuthi atholakale kodwa engasekho emhlabeni. Utholakale ngasesikoleni i-Estcourt…