Isikhulu esiphezulu somkhandlu Umalusi olawula imiphumela ka-matric kuleli, uMafu Rakometsi sesixwayise labo abazozama ukukopela, ukuthi bazoyikhotha imbenge yomile.
Lomkhandlu ubambe isithangami nabezindaba ukudalula ukuthi isimo simi kanjani njengoba sekusele izinsuku ezingu-10 ngaphambi kokuthi abafundi bakamatikuletsheni bahlalele ukubhala izivivinyo zabo zokugcina ngci zokuphela konyaka.
Ukubhala kuzoqala ngomhlaka 21 kwephezulu kuphele ngo November.
Isibalo sabafundi ababhala ngalonyaka singaphezu kuka-730 000, kanti iKZN ihamba phambili ngesibalo esiwu 172 000 sabafundi.
U Rakometsi usegcizelele ukuthi abafundi bangalokothi bayicabange eyokukopela ngoba lokho angeke kuphethe kahle.