Namuhla umkhandlu UThukela wamukele abafundi abangu 142 abavela Esikhungweni semfundo ephakeme esiqeqesha ngokwamakhono i Durnacol Skills Hub.
Laba bafundi bazoqedela izifundo zabo kwimikhakha ehlukehlukene ngokusebenzela ngaphakathi kumaspala Uthukela.
Abafundi bazohlala isikhathi esingangonyaka nezinyanga eziyisithupha besebenza ngaphansi kulomaspala. Laba bafundi bazohlukaniswa ngokomasipala njengoba UThukela lunomasipala abathathu ngapnsi kwawo okubalwa kubo i-Alfred Duma Local Municipality, UKhahlamba Local Municipality kanye ne Inkosi Langalibale Local Municipality.
iMeya yomkhandlu uThukela iNkosi Ntandoyenkosi Shabalala uthi bayabonga kakhulu ku sikhungo semfundo I Durnacol Skills Hub ngokubalethela labafundi futhi uyazi ukuthi labafundi bazosebenza ngokukhulu ukuzimisela nokuzikhandla. IMeya ithi labafundi abazi ukuthi bamukelekile oThukela futhi unethemba lokuthi bazosebenzisana kahle nalabafundi.
UMnumzane Daniels ubonge wanconcoza kumaspala Uthukela ngethuba abalinika abafundi besikhungo sakhe. wabe esegcizelela ukuthi lokhu kuzohamba ibanga elide kulomasipala ngoba bona njengesikhungo bayakholelwa ekutheni imfundo iyona eyoshintsha isimo sabantu abakhele lo maspala.