Abazali babafundi besikole samabanga aphezulu iDr Joseph Shabalala banikele kulesikole osukwini lwanamuhla befuna izincazelo kuThishanhloko ngokungaqhubeki kokufunda kwabantwana kanye nokusebenza kwemali yesikole ngendlela engagculisi.
Lesi sikole sibhekene nezinkinga zezezimali kanye nobuholi (SGB) okwenza kungaqhubeki kahle ukufunda nokufundisa. IDr Joseph Shabalala kuthiwa inesikweletu soThukela okudala ukuthi kungabi bikho amanzi, sinenkinga yokungcola okuxakile okudalwa ngukungabi bikho kwabasebenzi abahlanza isikole ngoba ingekho imali yokubaholela, ukucekeleka kwesakhiwo okwenza singabi sezingeni elidingekayo ukuze kufundelwe kuso.
Kunebhasi elithengiwe ngenvumo kaThish’omkhulu elibiza +- 5000 000 nathi wavumela ukuthi lithengwe ukuze lithuthe izingane nokuyinto ekhathaza abazali ukuthi isikole singathi singekho ezimeni esihle sezezimali kushoda izinsiza kusebenza kodwa kube kuthengwa amabhasi kungani. uThishomkhulu ukhale ngokungabanjwa komhlangano IAGM Uthi abazali ngabe bayazi ngakho konke okuqhubekayo esikoleni okubalwa nakwezezimali, uyavuma ukuthi impela ibhasi likhona futhi liyasebenza, zikhona nezinye zezinto abazenzayo ukuthuthukisa lesikole okubalwa ukuqalwa kwemidlalo ehlukene.
Umgcini mafa walesikole uveze ukuthi lesi sikole sisebenza phezulu kwesikweletu njengoba kuthiwa sekunemali yabafundi abazobe beyoqala ukufunda ngonyaka ozayo esivele isisebenzile okuyinto ekhalisa kakhulu abazali ukuthi lokhu kusho ukuthi lezi zinkinga ababhekene nazo ngathi azikezukuphela uma kunje.
Abazali bacele ukuthi uThishanhloko athathe ikhefu ukuze kuzoqhubeka uphenyo ngokwenzeka kulesi sikole, bacela ukuthi isekela likaThishanhloko libambe ngalesi sikhathi ukuze kungaphazamiseki nokubhala kwabantwantwana kuze kube kubhekwana kahle naloludaba.