Umgadli we-Orlando Pirates, uZakhele Lepasa, kungenzeka ukuthi ajoyine iSuperSport United ngaphambi kokuthi kuvalwe iwindi lokuhwebelana ngoLwesihlanu. ULepasa ubonakala engasatholi ithuba lokudlala ngaphansi komqeqeshi uJose Riviera. Lokhu kulandela ukudedelwa komunye umdlali wePirates, uLesedi Kapinga, naye obengasabonakali kwiBucs.
ULepasa, oneminyaka engu-27, udlale kahle ngesikhathi ebolekiswe yiPirates kwiSuperSport nyakenye. Ubuyele kwiPirates lapho edlale khona kahle, waze wathola ithuba lokubizwa eqenjini lesizwe, iBafana Bafana. Nokho, muva nje, uthole kunzima ukuthola ithuba lokudlala njengoba abadlali abafana noRelebohile Mofokeng, uTshegofatso Mabasa, uThalente Mbatha, noMonnapule Saleng benza kahle kakhulu.
I-Orlando Pirates izobhekana neChippa United emdlalweni weBetway Premiership e-Orlando Stadium ngoLwesithathu ngo-7:30 ebusuku. I-SuperSport United ishaywe yiMamelodi Sundowns ngo 2-0 emdlalweni wabo weligi ngoLwesibili.