Kungenzeka iwudlele endlini yayo entsha sha ukhisimuzi insizwa esikhulile yesendaweni yaseGudlintaba eMnambithi.
Ngonyaka owedlula uNobhala we-African National Congress(ANC) kwiSifunda iJosiah Gumede uMnumzane Bonga Hlomuka, wahambele indawo yaseGudlintaba ngaseMbuzweni lapho kwakunomhlangano weqembu le-ANC. Izakhamuzi zakulendawo zakhala kakhulu ngomkhulu uMboza Zwane ohlala endlini engekho esimeni esihle. Lezi zakhamizi zatshela uHlomuka ukuthi umkhulu usehlale kulendlu iminyaka kanti usengumuntu osekhulile njengoba eneminyaka engu 82 ubudala. Lezi zakhamizi zacela ukuthi okungenani umkhulu asizakale ngendawo engconywana yokufihla ikhanda.
Iqembu le ANC kulesi sifunda sesikuqinisekisile ukuthi uZwane uzokwakhelwa indlu entsha sha kulokhisimuzi azoyakhelwa yilona leliqembu kulesi sifunda saseJosiah Gumede.
Usihlalo we ANC eMbuzweni uMnuz Ntokozo Ndaba uthi bake bazama phambilini njenge branch ukumakhela umkhulu kodwa ngokuthi amandla awamaningi abakwazanga ukuqedela kahle. Ubonge ubuholi besifunda ngokungenelela ukuze umkhulu athole indlu yakhe.
Kanti uNobhala weJosaih Gumede Region uHlomuka uthi ufisa ukuthi indlu emtsha kamkhulu abayakhayo ingaphela ngaphambi kokuba kufike ukhisimusi. uNgidi uveze ukuba ufuna ukuthi yena nomndeni wakhe ukhisimusi bawudlele emzini wakhe uMkhulu uZwane.