Umama waseThekwini useqalile ukudonsa isigwebo seminyaka engu-20 ngecala lokubulala indodakazi yakhe eneminyaka emithathu. INkantolo eNkulu yaseThekwini igwebe owesifazane, 35, kuleli sonto.
Enkantolo, kuvele ukuthi ekuqaleni wanikela ngengane yakhe ukuze ithathwe ikhuliswe ngomunye umndeni ngo-2019.
Ngemuva kweminyaka emithathu, umyeni wakhe wase-UK ababuye babe nezinye izingane ezimbili naye wamcela ukuthi abuyise indodakazi yakhe ukuze bazoyikhulisa. Ngempela ingane yabuyiswa
NgoMeyi 2022, umyeni waphoqeleka ukuthi abuyele e-UK ngenxa ye-visa ephelelwe yisikhathi, eshiya umama yedwa nezingane.
Enkantolo, owesifazane uvumile ukuthi wayehlale ebashaya abantwana bakhe.
Okhulumela i-NPA eKZN, uNatasha Ramkisson-Kara, uthi ingane encane iklinywe yashona.
“Umsolwa ulivumile icala lokubulala efundwa nezinhlinzeko zeSigaba 51 kanye neNgxenye 1 yeSheduli 2 yeCriminal Law Amendment Act 105 of 1997, edonsa isigwebo sikadilikajele. Nokho, ngesikhathi ikhipha isigwebo, inkantolo yachezuka odilikajele yamgweba iminyaka engu-20 umsolwa, yakhetha ukumhoxisa.
“Inkantolo iphinde yakwamukela ukuthi ummangalelwa wayeyisisulu sokunukubezwa ngokomzimba nangokocansi. Iqiniso lokuthi ummangalelwa wayesesitokisini iminyaka emithathu nokuthi wayedinga imithi yokwelapha ezinye zezimo zakhe nakho kuholele ekuphambukeni kwenkantolo.”