Lowo owayenguMengameli wezwe uJacob Zuma uzokhuluma engqungqutheleni yeBRICS yokutshalwa kwezimali kwezolimo kanye nezohwebo eThekwini
Lowo owayenguMongameli waseNingizimu Afrika u-Jacob Zuma uzokhuluma nabazothamela umcimbi namuhla, mhla zingama-29 kuNdasa, 2025, eNgqungqutheleni ye-BRICS+ Agriculture Investment & Trade Summit, e-Durban International Convention Centre.
Le ngqungquthela, enesihloko esithi, “From Vision to Venture – Women Shaping the Future of Agricultural Investment and Global Trade,” ingumbuthano obalulekile wabaholi bomhlaba wonke, abakhi benqubomgomo, nongoti bezimboni ukudingida ngekusasa lezolimo nohwebo.
Ngokugxila ekutshalweni kwezimali okusimeme kwezolimo, le ngqungquthela ihlose ukubhekana nezinselelo zokuvikeleka kokudla emhlabeni wonke, ukuthuthukisa amathuba okuhweba, kanye nokuhlola izixazululo ezintsha zezolimo ezikwazi ukumelana nesimo sezulu.
Phezu kwenkulumo kaZuma, kulo mcimbi kuzobe kudingidwa izingxoxo zokuhlomisa abesifazane ebuholini bezolimo, ukugqugquzela ukubambisana phakathi kwamazwe eBRICS nabalingani bawo, kanye nokuthuthukiswa kwezinqubomgomo ezibandakanya bonke abantu kwezohwebo emhlabeni.
Le ngqungquthela iyinkundla ebalulekile yokwakha ubudlelwano obuqinile phakathi kwezizwe, ukushayela utshalomali, kanye nokukhuthaza izindlela ezisimeme zezolimo ezingazuzisa umnotho emhlabeni wonke.