Kweqe isiboshwa esiyingozi eBoksburg Correctional Centre eGauteng. UMnyango wezokuHlunyeleliswa kweziMilo uthi uMartin Jackson udonsa isigwebo seminyaka engu-20 ngamacala okugebenga, ukweba kanye nokutholakala nesibhamu esingekho emthethweni.
Akucaci ukuthi weqe kanjani.
UMnuz Singabakho Nxumalo womnyango uthi bayazama ukumthungatha. “Abezamajele basebenzisana nezinye izinhlaka zomthetho ukuze kutholakale futhi kubanjwe uMartin Jackson.
“Umphakathi uyanxuswa ukuthi uhlale uqaphile futhi ucele noma ngubani ongaba nolwazi ngokuthi oweqile athinte isiteshi samaphoyisa esiseduze noma isikhungo sokuhlunyeleliswa kwezimilo.”