IKaizer Chiefs ikhathazekile ngokuthi angase angadlali uGaston Sirino emdlalweni olandelayo weBetway Premiership bedlala neSuperSport United. Lokhu kuvele ngesikhathi ikilabhu inikeza izindaba mayelana nesimo sabadlali sokulungela ukudla emva kwesikhathi sekhefu lomdlalo weMTN8 final kanye nesikhathi seFifa.
UGaston Sirino uthole ukulimala esinqeni emdlalweni wabo wokugcina. Isikhulu sezokwelashwa kwiChiefs, uDave Milner, uchaze ukuthi uSirino welulama kahle futhi kulindeleke ukuthi abuye ekuziqeqesheni ngokugcwele emasontweni amabili ezayo.
Amakhosi azobe efuna ukubuyela endleleni yokunqoba bedlala neSuperSport United ePeter Mokaba Stadium ePolokwane ngo-Okthoba 26, ngemva kokuhlulwa yiMamelodi Sundowns ngo 2-1 emdlalweni wabo wokugcina eFNB Stadium.
UMilner uphinde wanikeza ngolwazi ngabanye abadlali abalimele isikhathi eside abahlanganisa uGeorge Matlou, uTebogo Potsane, uEdmilson Dove noBrandon Petersen. Wathi uGeorge Matlou uqale ukuziqeqesha neqembu kuleliviki futhi ulindeleke ukuthi abuye ngoNovemba. UTebogo Potsane ulimele izicubu emlenzeni kulindeleke ukuthi abuye emasontweni amathathu.
UBrandon Petersen useluleme ekulimaleni esandleni futhi useqalile ukuqeqeshwa ngokugcwele. Kodwa uDove, umdlali wezwe laseMozambique, uzothatha isikhathi eside njengoba esanda kususwa isihlangu sokuvikela umlenze futhi kungenzeka aqale ukugijima ngoNovemba.
IChiefs iqale isizini ka-2024-25 yePremiership ngokunqoba imidlalo emibili kanye nokuhlulwa kowodwa.