Akakwazi nokuzibamba ngenxa yenjabulo umculi kamasikandi wase Kranskop ohlomule ngendondo kuma Awards aseThekwini ngesonto eledlule.
USkhiye Seventure wasesgodini saseMgoshongweni ukhale wemuka nendondo yeBest Maskandi New Comer emcimbini wezindondo ohlelwa nguNkk Sheila Mhlongo wephephandaba iKZN Namuhla.
uSkhiye uthi ujabule kakhulu ngokuthola lendondo lokhu kumenza azizwe eyiqhawe elivelele, uthi uyafisa ukuthi akhule emculweni athole nokuqhashwa nasemicimbini evelele.
Lomculi ube esekhipha amazwi awabhekise kozakwabo abasakhula kulendima ukuba kumele basebenze kanzima ukuze baphumelele.
Umculo wakhe uyatholakala kuma online stores uma ubheka uSkhiye Seventure.