Loyo obengunozinti wezimnyama odedelwe ngo kuphela kwe season eyendlule Siyabonga Mpontshane, uphinde wabonakala esethi nje vumbu kuzo futhi ezimnyama izolo (Ngolwesine) eziqeqesha Kanye nalo iqembu.
Umbuzo omkhulu uthi iliphi iqhaza azolidlala njengamanje
Lonozinti oneminyaka 38 ubudala ubesehlale iminyaka eyisishiyangalolunye (9) kuleliqembu njengoba afika ngo 2015 esuka kwi Platinum Stars nalapho ayisiza khona ukuthi inqobe izicoco ezimbili nalo lelo qembu lakhe lakudala beshaya yona Pirates kabili kulandelalane yilapho eyamthatha khona pirates.
Kuyi manje lonozinti ubengakaze alithole iqembu elimdingayo selokhu ededeliwe, futhi mancane kakhulu amathuba okuthi alithole elinye iqembu ngisho eligijima ku Motsepe ngenxa yemi nyaka yakhe.
Lonozinti ukuthole kunzima ukuthi awine izinhliziyo zabaqeqeshi Kanye nabalandeli kuleminyaka ayichithile ekhona njengoba edlale imidlalo engu 88 wakwazi ukuthi emidlalweni engu 34 engangenelwa magoli.
Umbuzo umileke uthi ingabe uzokwenza muphi umsebenzi njengoba pirates inonozinti abane Sipho Chaine, Melusi Buthelezi, Ethan Visagie Kanye no Siyabonga Dladla.
Omanala ngikuxoxele bamumatanisa nomsebenzi wokulekelela (Tyron Damons) njengo mqeqeshi wonozinti.
Uzokhumbulake ukuthi ezimnyama ziyadlala namuhla ntambama 19:30 kwe sika maminzela isigodi(Orlando Stadium) Kanye ne CNaPS Sport yase Madagascar Kumdlalo we caf champion league njengoba bezodlala umlenze wesibili, uzokhumbula ukuthi zishayane zaze zabukana kumlenze wokuqala 0-0 kungekho evuma ukugoba uphondo.
Ngemva kwalo mdlalo ezimnyama zizothi ukushintsha umoya zilibhekise ekapa ngesonto elizayo ngo Lwesibili 27/08 ziyobhekana ne CP Town City kowe MTN 8 okuyobe kuwumlenze wokuqala loyo.