Izihlathi zivakashele izindlebe kumsakazi womsakazo womphakathi ozinze eMnambithi iNqubeko FM emumva kokuqokwa kowamaCrown Gospel Awards alonyaka.
USibonelo Qando Mbatha owenza uhlelo lwasemini yasekuseni oluthi Sakha Ikhaya Mkhaya oluqala ngehora lesishiya galolunye kuye kweleshumi nambili emini kusuka ngoMsombuluko kuze kube ngoLwesihlanu, uqokwe emkhakheni weBest Gospel Show eziteshini zomphakathi kuleli.
Lomsakazo uqokelwe kulomkhakha nezinye iziteshi zemisakazo esibala kuzo
Uzokhumbula ukuthi sekungokwesithathu kulandelana lomsakazo uqokelwa kulomkhakha, ngowedlule kwakuqokwe uhlelo oluthi Iyahamba Lenqola olungena ngamasonto ntamba olushayelwa nguNjabulo Mpungose kodwa yabuya ilambatha. UQando uthi unethemba lokuthi kulokhu uzobuya nayo lendondo. Ube esezicelela ukuxhaswa ngamavoti ukuze kufezeke leli phupho lakhe.
ukuvotela lentokazi esencane uthumela umqhafazo othi CROWN12 kule nombolo: 34069.
i-SMS ibiza u R1.50 nje kuphela, kanti ungavota noma ikangaki.