Abasakazi be-podcast abadumile uSolomzi ‘Sol’ Phenduka kanye noMacgyver ‘MacG’ Mukwevho bazongena kolunye uhlelo lokuzijabulisa kumabonakude maduze. Laba ababili abanamandla kwezokusakaza baqinisekise ukuthi bazophatha uhlelo olusha olubizwa nge-Raid the Cage: South Africa.
Lolu hlelo ludidiyelwe ngu-Anele Mdoda kanye nenkampani kaFrankie Du Toit, i-Rose and Oaks Media, njengoba kubikwe umhlaziyi wezokungcebeleka uPhil Mphela, lo mdlalo othandwa abantu abaningi uthathelwe emdlalweni waseMelika ophethwe ngumlingisi uDamon Wayans Jr kanye nomsakazi wethelevishini uJeannie Mai.
USol uveze ukuthi umdlalo uzohlanganisa amaqembu amabili okumele anqume ukuthi yimiphi imiklomelo afuna ukuyinqoba. Nokho, imiklomelo ingatholwa kuphela uma amalungu eqembu ephendula imibuzo ezobuzwa u-MacG no-Sol ngendlela efanele phakathi nesikhathi esithile.
“Kuzoba khona okusandlu. Kulendlu, kukhona zonke izinhlobo zezinto: izimoto, ama-TV, imali, izinto ezisetshenziswayo, izindawo zokuphumula eholidini, nezingubo. Cabanga isitolo esifana noMakro noma i-Game.”
USol wengeze ngokuthi, “Kumele baphendule imibuzo ngolwazi olwejwayelekile. Yonke imibuzo abayitholayo, batholela umuntu osendlini yezipho isikhathi sokuhlwitha izinto eziningi azozinqoba. Kodwa-ke, abazi ukuthi banesikhathi esingakanani endlini. Uma bengawutholi umbuzo, isikhathi siya ngokuya siphela. ”
Noma kungakaziwa ukuthi lolu hlelo luzoqala nini kodwaluzodlala kuSABC 2 fithi luzodlala iviki lonke.