Ziyihambela kahle izinto insizwa engumthwebuli nomdidiyeli wamafilimu edabuka eBergville endaweni yaseZwelisha. lensizwa edume ngelikaSulkesi endimeni yezikaqedisizungu ogama layo langempela nguMzwandile Ndaba, isineminyaka ikhona endimeni yezamafilimu kanye nezikaqedisizungu nje jikelele.
Lensizwa iqale ukubonakala kulomkhakha ngonyaka ka 2008 lapho beyenza khona amahlaya nabanye osaziwayo kulomkhakha abafane noNgane Ngane bodumo lwaseWorkshop ethekwini nabanye.
Ngokubona ukuthi likhona ithalente kuye kulendima, ube esesungula inkampani yakhe yokuqopha nokukhiqiza amafilimu iQuick Wave Productions nokuyiyona emvulele amathuba amaningi kwezamafilimu. Amafilimu akhe aqale ukukhonjiswa esiteshini sikamabonakude esiku DSTV esaziwa kakhulu ngokudlala amafilimu akhiqizwe khona lapha kwelengabadi iMzansi Magic eminyakeni embalwa edlule.
Lensizwa isanda kuthola ithuba eliyingqayizivele lokuthi omunye wemidlalo ekhiqizwe yinkampani yakhe iQuick Wave Productions ubonakale kuSABC nokuyisiteshi sikamabonakude esikhulu kunazo zonke eNingizimu Africa. Lomdlalo wakhe osihloko sithi Isenzo Sami, uzobonala ku SABC khona maduze nje.
UNdaba uthi, kusekuningi okuzayo emva kwalefilimu, futhi uzimisele ukubeka indawo yaseBergville noThukela lonkana ebalazweni kwezamafilimu.
Usuku nesikhathi ouzobonakala ngayo lefilimu izomenyezelwa maduze nje.
Muhla umsebezi wenu