Uthukuthele ugane unwabu umphakathi waku Ward 4 kuMaspala uKhahlamba Local Municipality, njengoba sekuphela izinyanga ungenamanzi.
Lomphakathi uthi into ebaphatha kabi ukuthi iLoli lamanzi lidlula kuyo leward liye eWard 8. Lo mphakathi usola ikhansela lendawo uPhilani Zwane ngokwehlulwa wumsebenzi wakhe. Lamalungu omphakathi abegane unwabu athi ikhansela lehlulwa yini ukuthi litshele iLoli libathelele nabo ngoba liyakwazi ukuthelela abanye.
Bathi okungcono wukuthi bathathe imvubu bahambe naye bayofuna amanzi oThukela.
Ikhansela lithi kunzima eWadini lakhe ngoba kade ezama ukucela amanzi akaze awathole, ukhansela uveze ukuthi uqinisile umphakathi uma uthi iloli lamanzi lidlula ewadini lakhe liye kwi wadi elungumakhelwane.
Ukhansela uthi kade ecela usizo lwamanzi ewadini lakhe kodwa iziphathi mandle zomkhandlu uThukela alukaze lumsize ngalutho. Ikhansela lithi bagcine bengasabambi ngisho izincingo zakhe oThukela.
Kuze kwashaya iskhathi sokushicilelwa uMkhandlu Uthukela ungakatholakali ukuze uphawule.