Category: Izindaba Zomphakathi

Kuhlokome ihholo lomphakathi uBhekuzulu Community Hall namhlanje ngesikhathi kwethulwa ngokusemthethweni usonkontilela ozokwakha iThulubheke Road Project ngaphansi kukaWard 6. Umhlangano obubizwe uMaspala iNkosi Langalibalele ububanjwe namuhla, kuhlangene umphakathi wakwaWard 6 ngaphansi kobuholi bukaKhansela B. Mshengu. Inkampani iTSW Construction iyona ehlonzwe njengozophatha lo msebenzi wokwakha imigwaqo. Lo msebenzi uzohlanganisa ibanga elingu-8.8km, kanti kulindeleke ukuthi uqale maduze futhi…

Isikhulu sikamaspala i-Alfred Duma Local Municipality esibe ngundabamlonyeni ekuqaleni kweviki kulandela ukuzinikela kwaso emaphoyiseni emvakwezinsolo zokunukubeza ngokocansi, siphume ngebheyili ka R1000 namuhla. uMnumzane Bongani Madondo kubikwa ukuthi wazinikela emaphoyiseni aseMnambithi ngoMsombuluko mhla ka-15 February emva kokuvulelwa icala ngowesifazane okuthiwa usebenza kuwo loMaspala ngohlelo lwenkontileka, omsola ngokuthi wambhudubeza wamnukubeza ngonyaka ka 2024. UMaspala i-Alfred Duma wakhipha…

Bekuyinjabulo enkulu kubafundi baseNtonjeni High School ngaphansi kukaMasipala wase-Alfred Duma ngesikhathi bevakashelwa uSihlalo wenhlangano engenzi nzuzo iNew Life Begins, uKhansela Ntuthuko Thomas Thabede, ehambisana nosaziwayo bakamabonakude. UKhansela Thabede uthe izinga lokukhulelwa kwentsha ezikoleni selikhuphuke kakhulu, kanti nokuhlukumezana nokucwasana phakathi kwabafundi sekuyinkinga ebucayi. Uveze ukuthi lo mkhankaso uqale ngokuvakashela izikole zasemakhaya behambisana nabantu abadumile ukuze kudluliselwe…

Kube nokuphazamiseka kokufunda eMbulwane Primary School ekuseni namhlanje ngemuva kokuthi abantwana abebelibangise kulesi sikole bebansdakanyeke engozini yemoto. Kubikwa ukuthi lezi zingane ezintathu zishayiswe yimoto yomunye wothisha esangweni lalesi sikole ngesikhathi efika esikoleni. Abantwana baphuthunyiswe esibhedlela lapho bethola khona ukwelashwa.

Kudingeke ukuthi ziphuthunyiswe esibhedlela izingane ezingu-12 zaseMnambithi Primary School eSteadville ezigule zaphathwa yizisu emva kokudla amaSnacks okusolakala ukuthi abenobuthi noma esephelelwe yisikhathi. Ngokwemibiko, kuthi akuqondakali ukuthi lamaSnacks eziwadlile ziwathathephi ngoba kuthiwa kukhona ezifike nawo ziphuma nawo emakhaya, kanti amanye ziwathenge kumdayisi obezidayisela efenisini wesikole. Lezi zingane ziphuthunyiswe emtholampela zase zidluliselwa esibhedlela eMnambithi nokuyilapho zifike zaxilongwa…

IMeya yaseLangalibalele, uMduduzi Myeza, iqhube umkhankaso wanamuhla we Back to School ngokuvakashela iKhulangolwazi High School eseWard 12 ngaphansi kukaKhansela Hadebe. Lesi sikole siholwa uThishanhloko uMnu Nsuntsha, futhi sizuze u-86,2% wokuphumelela. Yize singesona isikole esinabafundi abaningi, siqhubeka nokukhiqiza imiphumela emihle nenconywayo. IMeya ibonge othisha, amalunga eSGB, abazali kanye nabafundi ngokuzinikela ekuthuthukiseni izinga lemfundo. Ngemuva kwalokho, IMeya…

Zethenjiswe ukuthi u-Eskom uzoza ezohlola isimo ngoLwesine izakhamuzi zasePhayikeni/Emoba. Lomphakathi uvuke namuhla ngovivi wanikela emahhovisi alenkampani eMnambithi lapho befune khona izimpendulo ngokungabi bikho kukagesi. Lezi zakhamuzi zithi zagcina ukuba nogesi ngomhla ka 28 December 2025, emva kwalokho wanqamuka batshelwa ukuthi kulimale iTransformer. Emva kwalokho bebelokhu begqigqa kulamahhovisi befuna usizo kodwa baphoswe ngapha nangapha. Namuhla izikhulu…

Inkosi yakwaKhumalo uNhloso Khumalo waseMnambithi ibe yingxenye yamakhosi angama-47 athweswe iziqu e-Inkosi Albert Luthuli International Convention Centre (ICC) eThekwini izolo. Lamakhosi aphothule uhlelo lokuqeqeshwa ekuholeni nasekubuseni izizwe zawo, oluqhutshwe yiNyuvesi yaKwaZulu-Natal (UKZN). Lolu hlelo beluhlelwe ngokubambisana noMnyango Wezokubusa Ngokubambisana Nezindaba ZoMdabu KwaZulu-Natal. Inhloso yalolu qeqesho wukuqinisa amakhono obuholi, ukuphatha kahle imiphakathi nokugqugquzela ukubusa okusobala nokusebenzayo…

I-ANC yaseJosiah GumedeRigion OThukela iveze intukuthelo enkulu ngokuhluleka kobuholi bukaMaspala Uthukela ukuvimbela ukuvalwa kwama-akhawunti kaMasipala. Esitatimendeni esikhishwe yilenhlangano ngomhla ka 17 February, ithi lesi simo sibambe umphakathi wasoThukela ngobhongwane, njengoba ungasakwazi ukukhokhela amakhemikhali okuhlanza amanzi, ugesi, kanye nokulungisa ingqalasizinda yamanzi. Lokhu kulandela ukuhluleka ukuhlonipha uhlelo lokukhokha olwagunyazwa yinkantolo maqondana neRASP Consultants CC, okuholele ekutheni uSheriff…