Emhlanganweni wekota yesithathu wekomidi elibhekele izimbangela nezixazululo zeziteleka ezenzeka eNkandla jikelele okuyi Municipal Rapid Response Task Team,kuvele ukukhathazeka ngemibhikisho ethinta ukunganeliseki komphakathi ngemigwaqo emikhulu esezingeni lesifundazwe engekho esimeni esihle,okwenza kuphazamiseke nokufunda nokufundisa ezikoleni kanye nokusebenza komnyango wezeMpilo,
Lelikomidi elihlanganisa izinhlaka ezahlukene okubalwa uMnyango wezokubusa ngokubambisana nezindaba zomdabu (COGTA), ezokuphepha (SAPS) okuhlanganisa namaphoyisa omgwaqo libe nomhlangano noSomlomo kaMasipala waseNkandla ukansela Sbusiso Sibiya ehambisana neMeya kanye neMeneja kamasipala.lelikomidi libe selivumelana ngokwenza konke okusemandleni ukuhlala etafuleni nezinhlaka ezithintekayo ukuze kuxazululeke lezinkinga.
