IMeya esanda kuxoshwa kanye nePhini layo kuMasipala Wendawo waseDannhauser enyakatho yeKwaZulu-Natal banikele eNkantolo Ephakeme yasePietermaritzburg ukuzama ukuhoxisa ukuxoshwa kwabo emva kwesiphakamiso sokungabethembi ubuuholi babo.
Ukhansela Bongani Hadebe obeyiMeya noBusisiwe Langa obeyiphini lakhe, bafuna udaba lwabo lulalelwe ngokushesha enkantolo.
Isikhundla sikaHadebe njengoMeya sathathwa nguSibusiso Kunene we-IFP, naye okhungethwe yizinkinga njengoba kuthiwa iqembu lakhe i-IFP lifuna esule esikhundleni.
