Kuzwakale ngomkikizo ngesikhathi iMeya yaseLangalibalele, uMhlonishwa Mduduzi Myeza, ihlomulisa omama abadayisa eMpumelelo Technical High School ngesitoko sokudayisa.
Lolu xhaso luza emva kokuthi uKhansela wewadi yabo uKhanyile ecele ukwesekwa kwabo njengosomabhizinisi abancane emphakathini.
Namuhla, ngemuva kohlelo lwe-Mayoral Back to School eMpumelelo Tech, iMeya ihlomulise omama abangu-20 ngesitoko esizobasiza ekukhuliseni amabhizinisi abo amancane.
Lo msebenzi uhlose ukuqinisa umnotho wasemphakathini nokweseka abaziphilisa ngokuzimela, ikakhulukazi omama abadayisa ezikoleni.
