Iqembu leNational Freedom Party (NFP) seliyise eNkantolo eNkulu yaseMgungundlovu iSomlomo wesiShayamthetho saKwaZulu-Natal, uNontembeko Boyce, lifuna aphoqwe ukususa ilungu lalo, uMbali Shinga, esiShayamthetho.
Leli cala lizolalelwa ngoJulayi 30. UNobhala Jikelele weNFP, uSunset Xaba, uthe iqembu aliphikisi inkantolo kodwa lifuna uSomlomo asebenzise isinqumo seqembu sokubuyisa uShinga. UBoyce uthe akakwazi ukumkhipha ngenxa yomyalelo weNkantolo eNkulu yaseMgungundlovu ovimbela ukuxoshwa kwakhe kuNFP.
Lokhu kulandela isinqumo sekomidi eliphezulu leNFP sokwenqaba isicelo sikaShinga sokudlulisa icala. Iqembu lisola uBoyce ngokungenelela ezindabeni zalo zangaphakathi
