LADYSMITH – Amaphoyisa ophiko lwe-Visible Policing eMnambithi abophe abesifazane abayisithupha abaneminyaka ephakathi kuka-26 no-41 ubudala ngezinsolo zodlame emphakathini (public violence).
Kubikwa ukuthi laba besifazane bebeyingxenye yababhikishi abebekhala ngenkinga eqhubekayo yokungatholakali kwamanzi endaweni yaseRoosboom.
Ngesikhathi sombhikisho, umgwaqo uvalwe ngokuphelele, okwenze abashayeli bezimoto baphoqeleka ukuthi basebenzise eminye imigwaqo ukuze bafinyelele emisebenzini nasezikoleni.
Ngemuva kokungenelela kwamaphoyisa neziphathimandla, umgwaqo usuphinde wavulwa kabusha ukuze izimoto zikwazi ukuhamba ngokujwayelekile.
Laba besifazane kulindeleke ukuthi bavele eNkantolo yeMantshi yaseMnambithi maduze, bebhekene necala lodlame emphakathini. Amaphoyisa aqhubeka nophenyo mayelana nalesi sigameko.
