Umphakathi wakwaDlamini, ngaphansi kukaWard 12 kuMasipala wase-Inkosi Langalibalele, namuhla uthole usizo lwemishini ehlukene yokuthuthukisa amabhizinisi amancane, kulandela izicelo ezafakwa ngesikhathi semihlangano yomphakathi.
Iningi labahlomulile ngosomabhizinisi bendawo abaziphilisa ngokufuya izingulube, ukulima, ukuhweba kanye neminye imisebenzi yokuziphilisa.
Abesifazane abanemifelandawonye yokuthunga bahlinzekwe ngemishini yokuthunga, kwathi osomabhizinisi abagunda utshani banikezwa ama-brush cutter ukuze bathuthukise umsebenzi wabo. Ababhaki bendawo nabo bahlomule ngokuthola izitofu zikagesi zokubhaka.
Abaholi bathe lolu hlelo luhlose ukuphendula izidingo ezavezwa umphakathi nokweseka amabhizinisi amancane ukuze akwazi ukukhula nokudala amathuba emisebenzi.
Umphakathi waseWard 12 wamukele lolu sizo ngenjabulo, kwathi kwadluliselwa amazwi okubongela kubo bonke abahlomulile.
