Ube yimpumelelo umcimbi waminyaka yonke wombukiso wezobuciko obubanjelwe eskoleni samabanga aphansi eSesikhona S.P School, esisEzakheni esigcemeni sakwa-E, nokulapho abafundi abasuka ezikoleni zamabanga aphansi ezahlukene, behlangane khona ukuzobungaza ubuciko namkhono ehlukene.
Ezinye zezikole ebeziyingxenye yolomcimbi kubalwa kuzo: Ekuphumuleni S Primary school, Amancamakazana Primary school, Colenso Primary, St Chads Primary School, Good hope Primary School, Umndeni woxolo Primary School nezinye.
Abafundi bathole ithuba lokukhombisa amakhono abo ahlukene kanye nobuciko babo ngemisebenzi ehlukene yezandla, Lombukiso ubuhlelwe ngenhhloso yokugubha ubuciko nokukhuthaza abantwana ukuze bagxile kwezobuciko.
Amalungu omphakathi abeyingxenye yalomcimbi nawo athole ithuba lokukhombisa ngemisebenzi yawo yezandla, okubalwa imvunulo yesintu, abasebenza ngokuphophotha nobuhle, kanye nabathungayo.njengengxenye yaloluhlelo kubenomncitiswano wokudweba kanti abadle umhlanganiso kubalwa kubo:
Grade 7 2-D drawing
1.Mondise Sithole-Ekuphumuleni S Primary school
Grade 7 2-D craft Paper
1.Ngwenya Ziyanda- Sesikhona SP School
Grade 6 2-D drawing
1.Luyanda Xaba -Amancamakazana Primary school
Grade 5 2-D craft
1.Hlelelwe Ndawonde -Sesikhona SP School
Grade 5 2-Drawing
1.Siyabonga Mazibuko -Ekuphumuleni primary School
