Inkosi yakwaKhumalo uNhloso Khumalo waseMnambithi ibe yingxenye yamakhosi angama-47 athweswe iziqu e-Inkosi Albert Luthuli International Convention Centre (ICC) eThekwini izolo.
Lamakhosi aphothule uhlelo lokuqeqeshwa ekuholeni nasekubuseni izizwe zawo, oluqhutshwe yiNyuvesi yaKwaZulu-Natal (UKZN). Lolu hlelo beluhlelwe ngokubambisana noMnyango Wezokubusa Ngokubambisana Nezindaba ZoMdabu KwaZulu-Natal.
Inhloso yalolu qeqesho wukuqinisa amakhono obuholi, ukuphatha kahle imiphakathi nokugqugquzela ukubusa okusobala nokusebenzayo ezindaweni zendabuko.
Ukuthweswa kweziqu kubonakala njengenyathelo elibalulekile ekuqiniseni indima yamakhosi ekuthuthukiseni imiphakathi yawo.
