IDemocratic Alliance (DA) isiphakamise ukuthi kuphuthunyiswe uhlelo lwamakhamera afakwa emzimbeni(Body Cams) emaphoyiseni aseNingizimu Afrika (SAPS) kulandela uchungechunge lwezigameko zokudubulana KwaZulu-Natal ezishiye okungenani abasolwa abayisishiyagalombili beshonile kuleli sonto.
Iqembu selicele ngokusemthethweni isithangami sasephalamende kuMnyango Wezamaphoyisa, likhuluma ngokubambezeleka kokuqaliswa kohlelo lwamakhamera omzimba, yize noma sewedlulile umnqamulajuqu ka-2025. Esinye sezigameko senzeke eNanda ngesikhathi kunomkhankaso wamaphoyisa wokulwa nobugebengu.
I-DA ithi amakhamera abalulekile ukuze kuqondakale kahle ukuthi kwenzekani endaweni yesigameko, ukubeka izinto obala kanye nokwethenjwawumphakathi, ikakhulukazi ngesikhathi sokungenelela kwamaphoyisa okubulalayo.
