Ubuholi be-ANC Youth League esifundeni saseJosia Gumede, buholwa yilungu le-NEC uWandile Mofokeng, bugubhe uSuku lukaNelson Mandela ngokunikela eMorester Foster Care Home ngaphansi kwesifunda sase-Alfred Duma.
Njengengxenye yemizuzu engu-67 kaMandela Day, i-ANCYL inikele ngomfaniswano wesikole nezicathulo kubantwana bakulesi sikhungo.
Izingane zamukele le minikelo ngenjabulo enkulu. I-ANCYL ithe isazoqhubeka nokulandela umbono kaNelson Mandela wokuthi indlela umphakathi ophatha ngayo izingane zawo iveza isimo sangempela salowo mphakathi.
