Kujabule umphakathi wase-Umfolozi kulandela izindaba zokuthi kunabadlali abayisikhombisa bendawo abasayine izinkontileka neqembu le-Sekhukhune United F.C.
uMnu Themba Sithole waseSkhukhune United uvakashele kumasipala waseMfolozi ehambisana noCoach Mateu ngenhloso yokuzohlola amathalente ebhola. Ngemuva kokuhlolwa, abadlali abayisikhombisa bakhethwe base besayiniswa izinkontileka neqembu.
Abadlali abasayinile kulindeleke ukuthi baqale ukudlala ku-DStv Diski Challenge kanye naku-ABC Motsepe League kusukela ngoJulayi, nakuba kungakacaci kahle ukuthi yibaphi kulaba abathathiwe abazodlala kulamaligi ngamunye.
Abadlali abasayinile yilaba:
• Hotto Khanyile (Ward 01)
• Nhlanzeko Mhlongo (Ward 01)
• Sboniso Mthethwa (Ward 09)
• Aphile Mnqayi (Ward 10)
• Zama Hlekwayo (Ward 12)
• Olwethu Mthethwa (Ward 18)
• Mlungisi Mthembu (Ward 18)
