Umdlali webhola wakuleli osemnkantshubomvu, uMarks Maponyane, uyingxenye yohlelo oluhlose ukuhlola nokuthuthukisa amakhono abafana abasakhula ebholeni eMnambithi.
I-Excel Youth Academy isungule i-Soccer Camp yezinsuku ezintathu eLadysmith High School, eqale ngomhlaka-30 Septhemba yaze yaphela ngomhlaka-2 Okthoba.
Lolu hlelo luhlanganisa abadlali abaneminyaka esuka ku-6 kuya ku-19, ngenhloso yokubakhulisa ngokwebhola nokubavulela amathuba esikhathi esizayo.
Abahleli bathi ukuba khona kukaMaponyane kunikeza abafana ithuba lokufunda kumdlali onolwazi emdlalweni webhola.
