I-ANC yaseJosiah GumedeRigion OThukela iveze intukuthelo enkulu ngokuhluleka kobuholi bukaMaspala Uthukela ukuvimbela ukuvalwa kwama-akhawunti kaMasipala.
Esitatimendeni esikhishwe yilenhlangano ngomhla ka 17 February, ithi lesi simo sibambe umphakathi wasoThukela ngobhongwane, njengoba ungasakwazi ukukhokhela amakhemikhali okuhlanza amanzi, ugesi, kanye nokulungisa ingqalasizinda yamanzi.
Lokhu kulandela ukuhluleka ukuhlonipha uhlelo lokukhokha olwagunyazwa yinkantolo maqondana neRASP Consultants CC, okuholele ekutheni uSheriff avale ama-akhawunti kaMasipala.
I-ANC ihlabe isivumelwano esiyimfihlo sika-R137 million esangena ngaphandle kolwazi noma imvume yoMkhandlu ophelele.
Iqembu lithi selifake isiphakamiso sokumiswa nokuphenywa kweMenenja kaMasipala, uMnu Langelihle Jili, kanye noMmeli obambile, u-Advocate Khathi, lithi kumele babhekane nengalo yomthetho ngokwehluleka ukunakekela izimali zikaMaspala.
