UMasipala waseNewcastle uthi uyaqhubeka nemizamo yokubhekana nezinkinga zamanzi nokuthuthwa kwendle osekunesikhathi eside zibhekene nezakhamuzi.
Abaphathi abamasipala namhlanje bahambele izindawo ezahlukene ezinezinkinga ukuze zihlole isimo futhi zibheke izindlela zokuthola izisombululo.
Phakathi kwezindawo ezihloliwe kubalwa neNewcastle Taxi Rank. Izikhulu zigcizelele ukuthi ukuhlolwa kwalezi zindawo kumele kuholele ezinyathelweni ezicacile zokulungisa izinkinga, kubekwe imisebenzi yabantu abafanele futhi kuqhubeke nokulandelelwa kwentuthuko.UMphathi kaMasipala obambile, uPearl Kubheka, ucele iminyango kamasipala ukuthi iphutumise imizamo yokulungisa izinkinga ezisasilele ekulethweni kwezinsiza.Uthe izakhamuzi kumele zibone izinguquko ezibonakalayo ekutholakaleni kwezinsiza eziyisisekelo
