Amaphoyisa aseZakheni aqinisekisile ukuthi ugcine etholakele waboshwa umama womntwana obetholakale elahliwe emhosheni endaweni yaseZakheni kwa-B. Lomtwana, okubikwa ukuthi uneminyaka ecishe ibe mibili, watholwa amalunga omphakathi ngemva kokuzwa ukukhala, kwase kubizwa amaphoyisa. Ngenhlanhla, umntwana watholakala esaphila futhi waphuthunyiswa esibhedlela ukuze athole usizo lwezempilo.
Ngemuva kophenyo lokuqala, amaphoyisa akwazile ukulandelela nokubamba umama womntwana, osevele wabekwa ngaphansi kwecala. Izizathu zokulahla umntwana azikacaci okwamanje. Uphenyo lusaqhubeka, kanti amaphoyisa athe eminye imininingwane izodalulwa njengoba uphenyo luqhubeka. Umphakathi unxuswa ukuba uqhubeke nokusebenzisana namaphoyisa ezimeni ezinjengalezi.
