UMPHAKATHI waseSigodlweni e-Estcourt, KwaZulu-Natal Midlands, uyalele bonke abokufika kuleli ukuba baphume ngokushesha kule ndawo kulandela umhlangano obushubile obubanjwe izolo.Lo myalelo ukhishwe ngemuva kokuthi izakhamuzi zihlangene zizodingida izinsolo zokubulawa kowesifazane wakule ndawo, okukholakala ukuthi ubulawe yisoka lakhe elidabuka kwelinye izwe. Umhlangano kuthiwa uke washuba, amalungu omphakathi ezwakalise intukuthelo, nokudinwa ngalesi sigameko.Izakhamizi zithi lesi sinqumo sithathwe njengempendulo…

Abashayeli nabanikazi bamatekisi kanjalo nomphakathi waseMhlumayo bavale umgwaqo ongenela kulendawo eMaphemvane. Imboni nomphakathi bathi bafuna uNgqongqoshe wezokuthutha kwaZulu-Natal uMnuz Sboniso Duma azophendula ngalo mgwaqo okwathiwa uzolungiswa ngumnyanga wezokuthutha ngesikhathi kusaphethe uNgqongqoshe uSipho Hlomuka osumagebhugebhu. Baveza ukuthi kulomgwaqo uNgqongqoshe u Hlomuka wathula imali engu R10 million kuthi kuzolungiswa u25 km kodwa akukaze kuqalwe kunalokho kwapheshwa izigodi…

Amaphoyisa aseZakheni aqinisekisile ukuthi ugcine etholakele waboshwa umama womntwana obetholakale elahliwe emhosheni endaweni yaseZakheni kwa-B. Lomtwana, okubikwa ukuthi uneminyaka ecishe ibe mibili, watholwa amalunga omphakathi ngemva kokuzwa ukukhala, kwase kubizwa amaphoyisa. Ngenhlanhla, umntwana watholakala esaphila futhi waphuthunyiswa esibhedlela ukuze athole usizo lwezempilo. Ngemuva kophenyo lokuqala, amaphoyisa akwazile ukulandelela nokubamba umama womntwana, osevele wabekwa ngaphansi kwecala….

Ukubulawa ngesihluku komfundi wase-University of KwaZulu-Natal oneminyaka engu-23 ubudala uSimphiwe Zinhle Mchunu odabuka eMnambithi kuthumele umlayezo oshaqisayo kulo lonke elaseNingizimu Afrika, kuphinde kwagqamisa inkinga yodlame olusekelwe ebulilini. UMchunu, obengumfundi wonyaka wokugcina weziqu zobuthishela kanye nonina wengane eneminyaka emithathu ubudala, wabikwa ukuthi ulahlekile ngomhlaka-22 Novemba 2025. Isidumbu sakhe satholakala kamuva singcwatshwe ethuneni elingajulile endaweni thize eMlazi,…

Izimvula ezinamandla ezihlasele izolo ntambama zidale izikhukhula emadolobheni aseThukela, ikakhulukazi eMnambithi naseBergville, kwaphazamiseka ukuhamba kwabantu nemisebenzi yansuku zonke. EMnambithi, umgwaqo uLyell Street uvaleke ngokuphelele ngenxa yamanzi amaningi agcwalise umgwaqo, kanti nezingxenye zikaMurchison Street zithinteke kakhulu, kwaphoqa izimoto ukuthi zisebenzise eminye imigwaqo. EBergville, izikhukhula zingene ezitolo eziningana, okubalwa neSpar, okudale ukuthi zivalwe okwesikhashana ukuvikela impahla nokuphepha…

Umphakathi waseWembezi eMahhashini uthukuthele ugane unwabu kulandela isigameko esishaqisayo esenzeke izolo, lapho owesilisa wokufika okuthiwa uhlala kuleli ngokungemthetho eshaye wabulala owesifazane obeyintombi yakhe. Kuthiwa lo wesilisa ubemphoqa ukuthi babuyelane, kwagcina ngokuba kube nodlame oluholele ekushoneni kwakhe esigamekweni. Amaphoyisa abizwe ngokushesha kanti umsolwa uboshiwe futhi uvalelwe esitokisini, uphenyo luyaqhubeka. Umphakathi usuhlabe ikhwelo lokuthi kube nokubambisana namaphoyisa…