Namuhla edolobheni iDundee kwethulwe ngokusemthethweni i-Dundee July 2026, okuqalisa ukubalwa kwezinsuku ezisele ngaphambi komcimbi omkhulu ozoba mhla ziyi-18 kuNtulikazi 2026.
Lo mcimbi wokwethula uholwe nguMEC wezeMidlalo, ezobuCiko namaSiko KwaZulu-Natal, uMntomuhle Khawula, iMeya yoMasipala wesiFunda uMzinyathi, uThembisile Mchunu, kanye neMeya yoMasipala wase-Endumeni, uMcebo Mkhize.
Abahleli baveze ukuthi uhlelo lwalo nyaka luzoba lukhulu kunakuqala njengoba kugxilwe ekugqugquzeleni amasiko, imfashini kanye nokukhulisa amathuba omnotho kubosomabhizinisi abancane (amaSMME).
Izihambeli ziphinde zajatshuliswa umbukiso wemfashini yesimanje egqugquzelwe amasiko esiZulu, kwaphinde kwethulwa nezinhlelo zokwandisa amathuba osomabhizinisi abancane kanye nemibukiso ezogqamisa amagugu namasiko.
