SCHOOLKushone umfundi wase-Joseph Shabalala Secondary School eMnambithi ngemuva kokugwazwa namuhla ntambama ngesikhathi kuphuma isikole.
Ngokwemibiko yokuqala, kuthiwa lesi sigameko sihlobene nezingxabano zamaqembu abafundi, njengoba kubikwa ukuthi bekunamaqembu alwayo ngesikhathi kwenzeka ukugwazwa.Kuthiwa umfundi ugwazwe phakathi nalezi zingxabano, washona ngenxa yamanxeba awatholile.
Okwamanje akukacaci ukuthi kukhona yini asebeboshiwe mayelana nalesi sigameko, kanti nesikole asikakhiphi isitatimende ngokusemthethweni.
Amaphoyisa kulindeleke ukuthi aqhubeke nophenyo ukuze kutholakale imbangela ephelele kanye nabathintekayo kulokhu kubulala.
