Inhlangano yamatshitshi i-Inxuluma, eholwa umsunguli wayo uDkt. Zwane, owaziwa kakhulu ngoMama uDudu, ibambe ikamu lezintombi eLimithill Hall.
Lo mcimbi ubuhanjelwe yisivakashi esihloniphekile, uMntwana uMukelile kaZwelithini, ongudadewabo weSilo esibusayo, iNgonyama uMisuzulu kaZwelithini.
Ikamu belihlanganise izintombi eziqhamuka ezindaweni ezahlukene okubalwa kuzo iZakheni, iSt. Chad’s, iMthandi, iAcaciavale kanye nedolobha laseMnambithi.
Phakathi kwezihambeli ebezikhona kubalwa uNdlunkulu uShabalala waseMatiwane kanye noNdlunkulu uSithole, unina weSilo esibusayo njengamanje, waseMhlumayo.
Abahleli bathi lolu hlelo luhlose ukuqinisa amasiko, ukuhlonipha ubuntombi nokufundisa intsha ngobuholi, isimilo kanye nokubaluleka kokugcina amasiko esizwe samaZulu.
