Iqembu Inkatha Freedom Party seliqalile ukuxoxisana namaqembu ahlukahlukene ngenhloso yokwakha ohulumeni bokubambisana kulandela ukhetho lohulumeni basekhaya.
Estatimendeni esikhishwe i-IFP muva nje leliqembu likuqinisekisile ukuthi ixoxisana ne-ANC, i-DA, i-EFF, i-ActionSA, iMK Party kanye namanye amaqembu amancane.
Leli qembu lithe izingxoxo zihamba kahle, kanti zigxile ekwakheni ohulumeni bokubambisana abazinzile, ekuqiniseni ukuphathwa ngendlela efanele nasekuthuthukiseni ukuhlinzekwa kwezidingo kubantu.
Ithimba le-IFP elibhekele lezi zingxoxo selilungiselela iziphakamiso elizozethula kubaholi abaphezulu beqembu, okulindeleke ukuthi bahlangane namhlanje.
