Amaphoyisa aseKuvukeni kanye noPhiko lweYouth Crime Prevention eSifundeni soThukela aqhube umkhankaso wokuqwashisa abafundi ngodlame ezikoleni. Lo mkhankaso wenziwe eSicelukukhanya High School kulandela ukwanda kwezigameko zobubhoklolo nokuhlukumezana phakathi kwabafundi.
Amaphoyisa akhulume ngokubaluleka kokuziphatha kahle, ukuhloniphana nokugwema izenzo ezingaholela ebudloveni noma emacaleni obugebengu. Aphinde axwayisa ngemiphumela yomthetho engabhekana nalabo abatholakala benza udlame.
Inhloso yalolu hlelo ukwakha ubudlelwano obuhle phakathi kwamaphoyisa nabafundi, kugqugquzelwe isikole esiphephile nesikhulisa ikusasa eliqhakazile. Abafundi bakhuthazwe ukuba babike noma yiziphi izigameko zodlame kubaphathi besikole noma emaphoyiseni.
