Namuhla, Government Communication and Information System (GCIS) ngokubambisana neStatistics South Africa (Stats SA) bebese-Illing Road intersection eMnambithi (Ladysmith), behlangana nomphakathi ngenhloso yokwabelana ngolwazi olubalulekile mayelana neNkulumo Yesimo Sezwe (State of the Nation Address – SONA) ezokwethulwa mhla ziyi-12 kuNhlolanja 2026.
Lolu hlelo beluhloselwe ukuchaza ngokucacile ukuthi i-SONA iyini, kungani ibalulekile, nokuthi izinqumo nezinhlelo ezimemezelwa kuyo zithinta kanjani izimpilo zabantu nsuku zonke, kusukela kwezomnotho, imisebenzi, izinsiza zomphakathi kuya kwezokuthuthukiswa kwemiphakathi.
Amalungu omphakathi amukele kahle lolu lwazi, abuze imibuzo futhi aveza ukwaneliseka ngendlela ecacile nenolwazi abakuchazelwe ngayo. Iningi libonise ukuthi lolu hlobo lokusondelana kukahulumeni nomphakathi lusiza abantu baqonde kangcono izinqumo zikahulumeni nokubamba iqhaza ezindabeni zesizwe.
