UMnyango weMfundo eyisiSekelo uzokhipha izikhala ezingu-20 000 zentsha ezizosiza othisha ukucija abafundi ngamakhono okufunda nokubala ezikoleni zakuleli.
Okhulumela uMnyango, uTerence Khala, uthi intsha ezokhethwa izohlolwa ukuze kuqinisekiswe ukuthi ayikho kumarejista abantu abake balahlwa amacala okuhlukumeza izingane nawamacala ocansi.
Lolu hlelo luzoqala ngoJanuwari kuya kuMashi wonyaka ozayo ngaphansi kohlelo i-Basic Education Employment Initiative (BEEI).
Kuzobhekwa intsha engasebenzi eneminyaka ephakathi kuka-22 no-39, enezifundo zeBEd noma esenza unyaka wesithathu nowesine. Izikhangiso zezicelo zizotholakala ku-SA Mobi App nasezinkundleni zoMnyango.
