Umsolwa osolwa ngokudayisa izidakamizwa uzovela enkantolo yaseThekwini ngoLwesithathu. Amaphoyisa athi umsolwa oneminyaka engu-50 utholwe nezidakamizwa okuthiwa zibiza ngaphezu kuka-R1 million ngesikhathi kugasela amaphoyisa endaweni yakhe.
Okhulumela uMnyango uRobert Netshiunda uthi amathimba enze amaphepha agunyaza ukusesha ngoLwesibili, atholwe indawo eseSommerset Park eMhlanga.
Uthi ibaholele efulethini elikuDr Pixley ka Seme Street enkabeni yeTheku.
“Umsolwa ubanjwe nezidakamizwa. Kutholwe i-cocaine powder, izinhlamvu ze-cocaine, i-heroin powder ne-rock cocaine, okulinganiselwa ku-R1.3 million, ngesikhathi kugasela abantu.”