OwayenguNgqongqoshe Wezokubusa Ngokubambisana Nezindaba ZoMdabu KwaZulu-Natal, uNkk Bongiwe Sithole-Moloi, uqokwe njengoSihlalo Wamakomidi Esishayamthetho sesiFundazwe saKwaZulu-Natal.
USithole-Moloi, oyilungu lesiShayamthetho, uzovala isikhala esishiywe nguDkt Ntuthuko Mahlaba, obesebenza kulesi sikhundla ngaphambilini. Lo msebenzi uhlanganisa ukuhola nokwengamela ukusebenza kwamakomidi ahlukene esiShayamthetho.
USomlomo wesiShayamthetho, uNkk Nontembeko Boyce, uncome lokhu kuqokwa, ethi uSithole-Moloi ungomunye wabaholi abanamava futhi abanekhono elidingekayo ukuze aphumelele kulesi sikhundla.
Uveze ukuthi uSithole-Moloi useke wasebenza njengongqongqoshe eminyangweni ehlukahlukene kuhulumeni wesifundazwe, okuyinto emnike ulwazi olunzulu ngezinhlelo zikahulumeni nokusebenza kwezikhungo zomphakathi.
Kulindeleke ukuthi asebenzise amava akhe ukuqinisa umsebenzi wamakhomidi nokuthuthukisa indlela isiShayamthetho esengamela ngayo ukusebenza kukahulumeni KwaZulu-Natal.
