Amaphoyisa abophe abasolwa abane abaneminyaka ephakathi kuka-32 no-44 ubudala ngezinsolo zokutholakala nempahla okusolakala ukuthi yebiwe ngesikhathi kuphangwa isitolo enkabeni yedolobha laseThekwini ngoMsombuluko ebusuku.Amaphoyisa oPhiko lwe-Public Order Police abophe labasolwa emgwaqweni uDkt Yusuf Dadoo Street izolo.
Amaphoyisa abesemsebenzini wokunqanda ubugebengu ngesikhathi ebona iqembu labantu liphuma ligijima esitolo. Athi ngesikhathi ehlola, athola ukuthi bekuphangwa isitolo, abe esengenela.Abasolwa abane babanjwe nezinto okubalwa kuzo osikilidi, iziphuzo ezingama energy drinks nezinye izimpahla.
Abasolwa kulindeleke ukuthi bavele maduze eNkantolo yeMantshi yaseThekwini.
