Isishayamthetho saKwaZulu-Natali, ngaphansi kwekomidi elibhekelela ukugcinwa kweMvelo, noluholwa nguNkk Bongi Sithole-Moloi, sivakashele uMkhandlu wasoPhongolo ukuzobheka ukusebenza kwendawo okulahlwa kuyo imfucuza okuyiPongala Landfill Site kulomhlangano kube sekuvela nezinye izinhlelo uMasipala onazo ukuthuthukisa imiphakathi.
Inhloso yokuvakashela loMkhandlu,kuzobheka izingqinamba, kanjalo nobungozi obungabakhona eMphakathini owakhele leya ndawo okulahlwa kuyo ifucuza,kuphinde kuqinisekiswe ukuthotshelwa kwemithetho nokuthuthukiswa kwezinhlelo zokulahlwa kwemfucuza. uMkhandlu wasoPhongolo,uthi kuyimanje ususohlelweni lokwakha indawo okuzokalwa isisindo semfucuza ezolahlwa ku lendawo, ebese ulungisa ufenisi ngenhloso yokuvikela lesakhiwo kanye nabasebenzi abesebenza ngaphakathi.
UMasipala uveze ukuthi zophinde wakhe uhlelo lokuvula nokunweba imigwaqo ebheke kuyo leya ndawo. Ezinye zezincomo ezithathwe kulomhlangano, ukukhanda icebo phakathi koMkhandlu wasoPhongolo ngokubambisana noMnyango wezokuThuthukiswa koMnotho, ezokuvakasha, kanye nezeMvelo KwaZulu-Natali, lokuguqula le ndawo ekuthenini ibe kwisimo esiphephile, ukuze noMphakathi oyakhele uzophepha.
