Intsha engu-100 base-Estcourt iqale ukuqeqeshwa kwamahhala ngamakhono ezobuchwepheshe ngaphansi kohlelo oluhlelwe yiMkhambathi Chamber of Commerce and Industry ngokubambisana noMnyango Wezokuxhumana Nobuchwepheshe Bedijithali kanye noMasipala wase-Inkosi Langalibalele.
Abafundi baqeqeshwa emikhakheni efana neCyber Security, Cyber Specialist kanye neminye emkhakheni yezobuchwepheshe ngenhloso yokubahlomisa ngamakhono azobasiza ukuzakhela amabhizinisi.
Lolu hlelo lweBoot Camp luqale namuhla ehholo ledolobha Emtshezi luyoze luphele ngoLwesihlanu mhla ka-3, kanti izitifiketi zizokwethulwa ngalo uLwesihlanu.
Isikhulu Esiphezulu seMkhambathi Chamber of Commerce and Industry, uMnu Simphiwe Mngoma, sincome abafundi ngokusebenzisa leli thuba, kanti umcimbi ubuhanjelwe noMnu Bhekisisa Ngcobo woMnyango Wezokuxhumana Nobuchwepheshe Bedijithali kanye noNksz Ayanda Msweli waseMasipaleni wase-Inkosi Langalibalele.
