esifundeni saseJosiah Gumede isigxeke omasipala abaholwa yi-IFP ngaphansi koMkhandlu Wesifunda uThukela, ibasola ngokwehluleka ukuletha izidingo eziyisisekelo emphakathini.
Esitatimendeni sayo, i-ANC ithi ukucinywa kukagesi okuthiwa kwenzeke ngeviki eledlule emahhovisi kaMaspala Wesifunda uThukela kuwuphawu lokungaboni ngaso linye ngaphakathi kwe-IFP, nokuthi lokhu kugcina sekulimaza izakhamuzi namabhizinisi.
I-ANC iphinde yaveza ukuthi, ngokwemithombo ethembekile, uThukela District Municipality ukweleta uMasipala wase-Alfred Duma imali elinganiselwa ku-R98 million yezikweletu zikagesi. Ithi lokhu kuholele ekunqanyulweni kukagesi, okuphazamise ukusebenza kwezinhlelo zamanzi kwase kudala izinkinga zokulethwa kwezidingo emphakathini.
Leli qembu lithi ukwehluleka kwabaphathi be-IFP kubangele ukuwohloka kwezinsiza ezifana namanzi nokuthuthwa kwendle.
UMkhandlu Wesifunda uThukela uthunyelelwe imibuzo mayelana nalezi zinsolo. Kuze kwashaya isikhathi sokushicilela, ubungakawuphenduli.
