Category: Izindaba Zezwe

IQEMBU loMkhonto weSizwe KwaZulu-Natal lithi selikulungele ukuthatha izintambo kuhulumeni wesifundazwe. USotshwebhu we-MK Party uBonginkosi Mngadi umemezele ukuthi iqembu lizokwethula isiphakamiso esisha sokungaMethembi uNdunankulu uThami Ntuli. uMngadi uthe i-MK Party iyiqembu elikhulu kunawo wonke esifundazweni futhi ikulungele ukuphatha isabelomali se-KZN sika-R158 billion. Usole uHulumeni okhona njengamanje woBumbano lwezifundazwe, owakhiwe yi-IFP, ANC, DA ne-NFP, ngokuhluleka ukuletha izidingo…

I-ANC KwaZulu-Natal isiqale izingxoxo eziphuthumayo zokunqanda ukubhidlika kweGovernment of Provincial Unity (GPU). Lokhu kulandela ukungaboni ngaso linye nomholi weNational Freedom Party (NFP) u-Ivan Barnes. Imibiko ithi i-ANC seyethembise uBarnes isikhundla esiphezulu kwezepolitiki, kungaba esifundazweni noma kuzwelonke, ukuze amncenge ukuthi angasihoxisi isihlalo esibalulekile se-NFP kumfelandawonye. Kuthiwa u-Barnes akumjabulisanga ukungahlomuli ngeqhaza lakhe njengomholi weqembu futhi wesabisa ngokusebenza…

Ukuqulwa kwecala labasolwa abahlobene nokwebiwa kwemali zakwamanye amazwe epulazini likaMengameli Cyril Ramaphosa iPhala Phala lithathe elinye igxathu ngoLwesihlanu, nobufakazi buveza ukuthi kwasetshenziswa izizumbulu zemali ngemuva kwesigameko sokuntshontshwa kwalemali ngo-2020. Intombi kamsolwa wokuqala, u-Immanuela David, ifakaze njengofakazi ovikelwe, ichaze ukuthi uDavid wamupha u-R500,000 ukuze athenge iMercedes-Benz futhi wakhokha idiphozithi ka-R100 000 yefulethi laseKapa ayezolisebenzisa. Utshele inkantolo…

UNobhala Jikelele we-ANC uFikile Mbalula uthi babalelwa ku-20 000 abantu abebehambele umhlangano wangoJanuwari 8 obuseMoruleng Stadium eNorth West ngoMgqibelo. Lo mcimbi ububungaza iminyaka engu-114 kwasungulwa i-African National Congress, lapho umengameli weqembu uCyril Ramaphosa ethula isitatimende saminyaka yonke sikaJanuwari 8. Phezu kokugxekwa ezinkundleni zokuxhumana bethi i-ANC yehlulekile ukugcwalisa inkundla enezihlalo ezingu-30 000, uMbalula uzichithile lezi zinsolo,…

IDemocratic Alliance (DA) KwaZulu-Natal ithi isinqumo seNational Freedom Party (NFP) sokushiya iGovernment of Provincial Unity (GPU) akusho ukuthi sekuzobekwa uhulumeni omusha wesifundazwe. Umholi we-DA esifundazweni uMnuz Francois Rodgers uthi amaqembu asele azohlangana akhulume namanye amaqembu acabanga njengawo ukuze kugcinwe isifundazwe sizinzile. URodgers uphakamise ukuthi lesi sinqumo singamataniswa nezikhundla zobuholi, wathi phambilini umholi we-NFP wayefuna isikhundla…

UMbali Shinga, uSihlalo we-NFP e-KZN, ubhekene necala langaphakathi lokuqondiswa kwezigwegwe, ngokwephula umyalelo weqembu. UShinga kuthiwa wenqabile ukweseka isiphakamiso se-MK Party sokungabethembi ubuhloli bukaNdunankulu uThami Ntuli ngoDisemba. Ngemuva kokuvela kwakhe phambi kwekomiti eThekwini, ubuholi be-NFP bumyalele ukuthi asule esikhundleni sakhe esishayamthetho ekupheleni komsebenzi ngoLwesine. Ingxabano igxile ekuhlulekeni kwakhe ukuhambisana nomgomo wamasu weqembu obheke eqenjini eliphikisayo le-MK.

Namuhla kuhlangana iminyaka engu-114 kwasungulwa i-African National Congress (ANC), okuyenza ibe yinhlangano endala kunazo zonke elwela inkululeko ezwenikazi lase-Afrika. lenhlangano ibilokhu ikhumbula lengqophamlando isonto lonke eRustenburg, eNorth West, ngochungechunge lwemicimbi. Lokhu kuhlanganisa imikhankaso yendlu ngendlu kanye nomcimbi wokusika amakhekhe, nemigubho ezophothulwa embuthanweni ozoba seMoruleng Stadium ngoMgqibelo. UMengameli we-ANC uMnuz Cyril Ramaphosa kulindeleke ukuthi asebenzise lo…