UKhomishana Kazwelonke woMnyango wezokuHlunyeleliswa kweziMilo, uMakgothi Thobakgale, uhole umkhankaso ongazange umenyezelwe wokusesha isikhungo iKlerksdorp Correctional Facility.Lomkhankaso uhlose ukuvimbela ukungena kwezinto ezingavumelekile ejele nokuqinisa ezokuphepha.
Kuthathwe omakhalekhukhwini abangu-20, amaphakethe angu-40 e-nyaope, amaphilisi ayisithupha e-Mandrax, ama-USB angu-15, i-solar panel eyodwa, insangu, izipikha ezintathu ezenziwe ngezandla kanye nomsakazo owodwa.Kuphinde kwathathwa ama-SIM card angu-37, amabhethri amathathu omakhalekhukhwini kanye nesikelo esisodwa.
UMnyango uthe iziboshwa ezitholakale ziphethe izinto ezingavumelekile zizobhekana nezinyathelo zokuqondiswa kwezigwegwe, kanti labo abatholakala besiza ngokushushumbisa lezizinto bangaboshwa futhi babhekane namacala obugebengu.
UMnyango wezokuHlunyeleliswa kweziMilo uthe uzoqhubeka nokuqinisa imisebenzi yezokuphepha ukuze kuvinjelwe ukushushumbiswa kwezinto ezingavumelekile emajele.
