I-SAPS ishaqe inqwaba yezinhlamvu ezingekho emthethweni nezibhamu ezintathu ngesikhathi somkhankaso ‘wePhasika Eliphephile’ obuqhutshwa esiFundeni saseMzinyathi.
Ngaphandle kokuthathwa kwezibhamu nezinhlamvu ezingekho emthethweni, i-SAPS iphinde yavala amashibhi angekho emthethweni amaningi, yathatha nezikhali eziyingozi njengemimese yaphinde yabopha abasolwa abambalwa abebefunelwa amacala ahlukene.
UConstable Siyabonga Nkwanyana, okhulumela i-SAPS esifundeni uthe esigamekweni sokuqala eNquthu emaphakathi, amaphoyisa abophe owesilisa, 33, ngesikhathi ezama ukumphenya ngemuva kokutholakala nesibhamu sohlobo lwe-.38 nezinhlamvu okungekho emthethweni.
Kwesinye isigameko, amalungu ka-SAPS aseGreytown aphendule ngokushesha abophe owesilisa, 34, oboshelwe ukutholakala nesibhamu esingekho emthethweni kanye nezinhlamvu esendaweni yokucima ukoma. Kwesinye isigameko saseMsinga amaphoyisa abone imoto ebigibele abantu abane. Ngesikhathi ima futhi isesha imoto, omunye wabesilisa abebekule moto, oneminyaka engu-27, uboshiwe ngokutholakala nesibhamu esingekho emthethweni kanye nezinhlamvu.
Bonke abasolwa ababoshiwe bazovela enkantolo yeMantshi yaseGreytown, Nquthu naseMsinga
“UKhomishana wesifunda sethu uMajor General Francis Slambert uthe “izigebengu akumele zibe nendawo yokwenza ubugebengu sikhona” waphinde wabonga wonke amalungu abambe iqhaza ezinhlelweni ezenzeke kulesi sifunda futhi zibe nemiphumela emihle,” kusho uCst Nkwanyana. kusho uMthunywa. Owesilisa, 34, uboshiwe ngokutholakala nesibhamu nezinhlamvu esingekho emthethweni.